არანაირი მტკიცებულება და მოწმე არ არსებობს საქმეში და სწორედ ამიტომ არის დახურული სხდომა, რომ საზოგადოებამ ვერ გაიგოს ის სიმართლე, რისთვის ჰყავთ ბაჩო ახალაია დაკავებული, ეს არის ერთადერთი არგუმენტი., - ამის შესახებ თავდაცვის ექსმინისტრის, ბაჩოა ახალაიას მეუღლემ განაცხადა.

ანი ნადარეიშვილის თქმით, აქვს ინფორმაცია, რომ “ბაჩოს წინააღმდეგ საქმეში არაფერი არ დევს.

"მე მაქვს ინფორმაცია, რომ ბაჩოს წინააღმდეგ საქმეში არაფერი დევს საერთოდ, გამოძიება დასრულებულია, არაფერი დაუმატებიათ, დღეს არის წინასასამართლო სხდომა და არანაირი მტკიცებულება, მთელი პასუხისმგებლობით ვაცხადებ, არ არსებობს საქმეში", - თქვა ნადარეიშვილმა.

რაც შეეხება ექსპერტიზის დასკვნას, ნადარეიშვილი ამბობს, რომ ეს ისედაც ნათელი იყო, რადგან ამ ჩანაწერით ბრალი არ წაუყენებიათ. 

"დევს ექსპერტიზის დასკვნა, არ აქვეყნებენ. პროპაგანდისტული მედია იყენებდა ამას, რომ ადამაინებზე ზემოქმედება ყოფილიყო და დაეჯერებინათ. ეს დასკვნა დევს, რომელიც ადასტურებს, რომ ჩანაწერი ყალბია, - განუცხადა ნადარეიშვილმა ჟურნალისტებს.