ნიდერლანდების თავდაცვის მინისტრმა რუბენ ბრეკელმანსმა განაცხადა, რომ რუსეთის იმპერიული ამბიციები არ მღავრდება მხოლოდ უკრაინით, არამედ ევროპისკენ არის მიმართული. ამის შესახებ მან „უკრინფორმთან“ ინტერვიუში განაცხადა.

ბრეკელმანსმა ხაზგასმით აღნიშნა, რომ რუსეთი არა მხოლოდ გავლენის სფეროს აღდგენას, არამედ ჰიბრიდული მეთოდებით ევროპის დანარჩენი ნაწილის დასუსტებასაც ცდილობს.

„ყველამ უნდა ვაღიაროთ, რომ ჩვენც იგივე რუსული აგრესიის წინაშე ვდგავართ და რუსეთის იმპერიული ამბიციები უკრაინაში არ მთავრდება, არამედ ევროპაშიც ვრცელდება“, - აღნიშნა მან.

ნიდერლანდების თავდაცვის მინისტრმა აღნიშნა, რომ უკრაინამ მადლობა არ უნდა  გადაუხადოს ევროპას, არამედ ევროპამ უნდა გადაუხადოს მადლობა უკრაინას, რომელიც „ყველაზე მაღალ ფასს იხდის თავისი ქვეყნის და მასთან ერთად დანარჩენი ევროპის თავისუფლების დაცვაში“.

მინისტრის თქმით, ყოველ ჯერზე, როცა ის უკრაინაში იმყოფებოდა, მასზე ღრმა შთაბეჭდილებას ახდენდა სამხედროების სიმამაცე და რუსული აგრესიისთვის წინააღმდეგობის გაწევის უნარი.

„ასევე ვამაყობ, რომ ახალი მთავრობა გააგრძელებს ჩვენს ურყევ მხარდაჭერას. ეს ჩვენს ბიუჯეტშია გათვალისწინებული რამდენიმე წლის განმავლობაში. ამიტომ, უკრაინას შეუძლია მომდევნო წლებში ნიდერლანდების იმედი ჰქონდეს და რუსეთს შეუძლია დაინახოს, რომ უკრაინის მიმართ ჩვენი მხარდაჭერა ურყევია“, - თქვა ბრეკელმანსმა.