თავდაცვის ყოფილი მინისტრი თინა ხიდაშელი და პოლიტიკოსი გუბაზ სანიკიძე სახელმწიფო უსაფრთხოების სამსახურში გამოკითხვაზე დაიბარეს.

თავდაცვის ყოფილი მინისტრი თინა ხიდაშელი და პოლიტიკოსი გუბაზ სანიკიძე სახელმწიფო უსაფრთხოების სამსახურში გამოკითვაზე დაიბარეს. ხიდაშელი სუს-ში მისვლას არ აპირებს. ის მზდაა გამომძიებლების კითხვებს მაგისტრი მოსამართლის თანდასწრებით უპასუხოს. 

პოლიტიკოსთან კითხვები მედიაში მის მიერ გაკეთებული განცხადებების შესახებ აქვთ - საუბარია, სანიკიძის მოსაზრებებზეე ირანული გავლენების გაზრდის შესახებ საქართველოში.

სახელმწიფო უსაფრთხოების სამსახურში დღეს თქვეს, რომ საჯაროდ გაკეთებულ განცხადებებზე გამოძიება აქვთ დაწყებული.

„ბოლოო დღეების განმავლობაში სხვადასხვა პირის მიერ, საჯაროდ, არაერთი ინფორმაცია გახმოვანდა საქართველოში სხვა ქვეყნების მხრიდან კადრების რეკრუტირების შესახებ და მათ შორის, იყო დადანაშაულება თუ მინიშნებები ტერორიზმის მიმართულებით. ყურადღებით ვაკვირდებით და ვსწავლობთ როგორც ფაქტობრივი მოცემულობის საწინააღმდეგო ამ განცხადებების შინაარსს, აგრეთვე მათი ავტორების მოტივაციას, დაადანაშაულონ საქართველო მსგავს საკითხებში, განსაკუთრებით რეგიონში მიმდინარე საბრძოლო მოქმედებების ფონზე და იმ გარემოების გათვალისწინებით, რომ ასეთი განცხადებების არცერთ ავტორს სამართალდამცველებისთვის არასდროს არანაირი ინფორმაცია არ მოუწოდებია.

დაწყებულია გამოძიება და განცხადებების ავტორებს დაესმებათ კითხვები ყველა მიმართულებით, მათ შორის, საშუალება მიეცემათ გამოძიების ფარგლებში მაინც მიუთითონ რაიმე კონკრეტული ფაქტის შესახებ,“ – აცხადებენ სახელმწიფო უსაფრთხოების სამსახურში.