სამართალდამცველებმა ჯგუფურად ჩადენილი ყაჩაღობის  ბრალდებით 2006 წელს დაბადებული გ.ხ.; 2007 წელს დაბადებული ნ.კ.; 2006  წელს დაბადებული გ.ა. და 2002 წელს დაბადებული ბ.ა. დააკავეს.

დადგინდა, რომ ბრალდებულები თბილისში, უცხო ქვეყნის მოქალაქეს - 1995 წელს  დაბადებულ ქ.ქ.-ს ყაჩაღურად თავს დაესხნენ, ფიზიკურად გაუსწორდნენ და  გასტაცეს საფულე, ძვირადღირებული ტელეფონი და საათი. რის შემდეგაც  შემთხვევის ადგილიდან მიიმალნენ.

მიღებული დაზიანებების შედეგად მამაკაცი კლინიკაში მოათავსეს, სადაც შესაბამისი სამედიცინო მკურნალობა ჩაუტარდა.

ბრალდებულების მიერ ქ.ქ.-სთვის მიყენებული მატერიალური ზიანი 10 000 ლარს  შეადგენს. პოლიციამ ოთხივე თავდამსხმელი ბრალდებულის სახით დააკავა. გამოძიება  სისხლის სამართლის კოდექსის 179-ე მუხლით მიმდინარეობს, რაც 9 წლამდე ვადით  თავისუფლების აღკვეთას ითვალისწინებს.