დარწმუნებული ვარ, რომ ეუთო და "მოსკოვის მექანიზმი" მოიტანს სწორ შედეგებს - ამის შესახებ ფინეთის საგარეო საქმეთა მინისტრმა ელინა ვალტონენიმ განაცხადა.

მისი თქმით, საქართველოში მიმდინარე პროცესები და სამოქალაქო საზოგადოების დაფინანსების შეზღუდვასთან დაკავშირებული კანონი სერიოზულ შეშფოთებას იწვევს.

"ფინეთი იყო ეუთოს თავმჯდომარე ქვეყანა და არა მხოლოდ ვაკვირდებოდი სიტუაციას, არამედ ვიმყოფებოდი საქართველოში ძლიერი სოლიდარობის გამოსახატავად ქართველი ხალხის მიმართ, რომლებსაც უწევთ ცხოვრება რეპრესიების პირობებში. ბოლო დროს მიღებული კანონი, რომელიც კრძალავს სამოქალაქო საზოგადოების ორგანიზაციების დაფინანსებას და ხალხის თავისუფლებას, არასწორი მიმართულებით გადადგმული მორიგი ნაბიჯია. დარწმუნებული ვარ, რომ ეუთო და "მოსკოვის მექანიზმი" მოიტანს სწორ შედეგებს, მაგრამ როგორც ევროკავშირი ჩვენც უნდა ვიყოთ ფხიზლად, - განაცხადა ვალტონენიმ.