აშშ-ის პრეზიდენტმა დონალდ ტრამპმა განაცხადა, რომ კუბა კოლაფსის ზღვარზეა და შესაძლოა, აშშ-მა კუნძულოვანო სახელმწიფო დაიკავოს.

თეთრ სახლში ჟურნალისტებთან საუბრისას, ტრამპმა კუბის კომუნისტური ხელმძღვანელობისთვის გაფრთხილება გაავრცელა.

პრეზიდენტის განცხადებით,  სჯერა, რომ მას ექნება „კუბის აღების პატივი“ და დასძინა, რომ შეუძლია ყველაფერი გააკეთოს ქვეყანასთან, რომელსაც საწვავი ამოეწურა მას შემდეგ, რაც აშშ-მ აიძულა ვენესუელა, შეეწყვიტა მისთვის კრიტიკული მხარდაჭერა.

„ვფიქრობ, კუბას დასასრული ელის. მთელი ცხოვრება მესმის შეერთებული შტატებისა და კუბის შესახებ. როდის გააკეთებს ამას შეერთებული შტატები? მე მჯერა, რომ მე მექნება მექნება კუბის აღების პატივი“, - თქვა ტრამპმა.

ტრამპს სთხოვეს, დააკონკრეტებინა, თუ რას გულისხმობდა კუბის „აღებაში“, რომელსაც 1959 წლიდან მოქმედი კომუნისტური რეჟიმი აკონტროლებს, მან მიანიშნა, რომ აშშ „რაიმე ფორმით“ ჩაერევა.

„გავათავისუფლებ მას თუ ავიღებ. ვფიქრობ, შემიძლია, მასთან გავაკეთო ის, რაც მინდა, სიმართლე უნდა იცოდეთ. ამ ეტაპზე, ძალიან დასუსტებული ერია,“ – აღნიშნა ტრამპმა.