ევროკავშირი ვიქტორ ორბანის წასვლის შემდეგ უკრაინისა და მოლდოვის გაწევრიანების პროცესს აჩქარებს. ამის შესახებ Politico წერს.

გამოცემის ინფორმაციით, მანამდე ბუდაპეშტი, პრემიერ-მინისტრ ვიქტორ ორბანის ხელმძღვანელობით, ხშირად აფერხებდა როგორც კიევის მხარდაჭერასთან დაკავშირებულ გადაწყვეტილებებს, ისე ევროკავშირში გაწევრიანების მოლაპარაკებების წინსვლას. თუმცა უნგრეთში პოლიტიკური ვითარების ცვლილების შემდეგ ეს ბარიერები მნიშვნელოვნად შემცირდა.

ამ ფონზე ევროკავშირში გააქტიურდა მუშაობა უკრაინასა და მოლდოვასთან მოლაპარაკებების პროცესის გასაძლიერებლად, მათ შორის გაფართოების შემდეგი ეტაპებისთვის მოსამზადებლად.

საუბარია მოლაპარაკებების კლასტერების ეტაპობრივ გახსნაზე და ორივე ქვეყნის ევროპულ სტრუქტურებში ინტეგრაციის დაჩქარებაზე, მიუხედავად იმისა, რომ კვლავ ძალაში რჩება რეფორმებისა და წევრობის კრიტერიუმების შესრულების მოთხოვნები.

ევროკავშირში ასევე აღნიშნავენ, რომ გაფართოების პროცესი კვლავ პოლიტიკურად მგრძნობიარე თემად რჩება და ყველა წევრი ქვეყნის თანხმობას მოითხოვს, თუმცა არსებული ვითარება ქმნის შესაძლებლობის ფანჯარას უკრაინისა და მოლდოვის წევრობის გზაზე წინსვლისთვის.