მნიშვნელოვანია, რომ უკვე ყველა აცნობიერებს, ბოიკოტი არ არის გამოსავალი. ბრძოლაზე უარის თქმით „ქართული ოცნების“ შეცვლა იქნება შეუძლებელი, – ამის შესახებ  „ლელო – ძლიერი საქართველოს“ წევრმა, ირაკლი კუპრაძემ განაცხადა.

„გამოსავალი ძალიან მარტივია – ჩვენ უნდა გავაგრძელოთ თვითორგანიზება, საერთაშორისო ველზე, პროტესტში, ქუჩაში წინააღმდეგობის გაწევა და ამ თვითორგანიზებით შევძლოთ ბიძინა ივანიშვილის ხელისუფლებიდან ჩამოშორება. დღეს მხოლოდ ივანიშვილს და „ანტიქართულ ოცნებას“ აწყობს ნიჰილიზმი, არჩევნებთან დაკავშირებით უნდობლობა. მხოლოდ ივანიშვილს აწყობს, არსებობდეს თავისუფალი საარჩევნო ველი და ოპოზიცია დარჩეს თვითიზოლაციაში. ამიტომ, ოპოზიციურმა პოლიტიკურმა აქტორებმა უნდა გაიაზრონ, რომ „ანტიქართული ოცნებისა“ და ივანიშვილის საქმე არ გააკეთონ. იყვნენ წინააღმდეგობაში და არცერთი ველი არ დაუთმონ ბიძინა ივანიშვილს. მოხარული ვართ, რომ სხვადასხვა პოლიტიკური აქტორები იაზრებენ საკუთარ შეცდომებს, მიუხედავად იმისა, რომ ერთი არჩევნები დააგვიანეს. ამ ბრძოლაში მნიშვნელოვანია, სწორი პოლიტიკური სტრატეგია შევარჩიოთ. ვიყოთ ქართველ ხალხთან ერთად და შევძლოთ ივანიშვილის რეჟიმის დასრულება“, – განაცხადა ირაკლი კუპრაძემ.