აშშ-ის პტერზიდენტმა ბარაკ ობამამ ხელი მოაწერა ბრძანებას ჩრდილოეთ კორეის წინააღმდეგ ახალი სანქციების შემოღების შესახებ. როგორც თეთრი სახლის წარმომადგენელმა ჯოშ ერნესტმა განაცხადა, ამის მიზეზი ფხენიანის მიერ ბირთვული და ბალისტიკური რაკეტების გამოცდა გახდა.

ის თუ რა ფორმით განოხორციელდება სანქციები ჯერჯერობით უცნობია, თუმცა ამერიკის ხელისუფლების წარმომადგენელთა თქმით, ის უმკაცრესი იქნება.

”აშშ და მსოფლიო საზოგადოება ვერ მოითმენს ჩრდილოეთ კორეის დანაშაულებრივ ქმედებებს ბირთვული და ბალისტიკური რაკეტების გამოცდასთან დაკავშირებით, ჩვენ გავაგრძელებთ ჩრდილოეთ კორეის წინააღმდეგ სანქციებს, ვიდრე ის თავის საერთაშორისო ვალდებულებებს არ შეასრულებს”, - აღნიშნა ერნესტმა.

როგორც ცნობილია, ჩრდილოეთ კორეამ საკუთარი ატომური პოტენციალის შესამოწმებლად ბირთვული ცდები დაიწყო. ქვეყნის ლიდერის კიმ ჩენ ინის თქმით, ფხენიანი მზად უნდა იყოს მიწაზე, ჰაერსა და წყალში შესაძლო თავდასხმებზე პასუხისთვის. მარტის დასაწყისში ფხენიანმა მცირე მანძილზე მოქმედი ორი ბალისტიკური რაკეტა გაუშვა. სამხრეთ კორეის თავდაცვის სამინისტროს ცნობით, რაკეტები აღმოსავლეთ სანაპიროდან გაუშვეს და ისინი 500–ს კილომეტრში ზღვაში ჩავარდა.