რუსეთის მასშტაბური დარტყმების შედეგად კიევის ოლქში 15-მდე ადამიანი დაიღუპა
5 აგვისტოს ღამით რუსეთის ძალებმა კიევის ოლქზე მასშტაბური იერიში მიიტანეს ბალისტიკური რაკეტებისა და დრონების გამოყენებით. თავდასხმის შედეგად სულ მცირე 15 ადამიანი დაიღუპა, ხოლო 27 დაშავდა.
ამის შესახებ კიევის საოლქო სამხედრო ადმინისტრაციის ხელმძღვანელი ტიმურ ტკაჩენკო იუწყება.
ტკაჩენკოს განცხადებით, ყველაზე მძიმე ვითარება ბროვარის რაიონშია, სადაც ცხრა ადამიანი დაიღუპა.
მისივე ინფორმაციით, ბუჩის რაიონში რუსეთის თავდასხმას კიდევ ოთხი მშვიდობიანი მოქალაქე ემსხვერპლა, ხოლო ფასტივის რაიონში ერთი ადამიანი დაიღუპა.
ტიმურ ტკაჩენკოს განცხადებით, ბროვარის რაიონში 12 ადამიანი დაშავდა, ფასტივის რაიონში - სამი, ხოლო ბუჩის რაიონში - შვიდი.
მასშტაბური ხანძრები გაჩნდა სასაწყობე შენობებში.
შეგახსენებთ, გასულ ღამეს, კიევში რუსების თავდასხმას 1 ადამიანი ემსხვერპლა, 24 დაშავდა.
