კულტურისა და ძეგლთა დაცვის მინისტრის ინფორმაციით,
უცხოეთიდან ჩამოყვანილი არტისტების კონცერტებზე ბილეთები სიმბოლურ ფასად გაიყიდება.

მიხეილ გიორგაძემ მთავრობის დღევანდელი სხდომის დასრულების შემდეგ განაცხადა ასევე, რომ ა კლასის ვარსკვლავების საქართველოში ჩამოყვანას საერთაშორისო მედიის ყურადღება და ქვეყნის ცნობადობის ამაღლება მოჰყვება.

მინისტრის განმარტებით, სხვადასხვა არტისტის მოთხოვნიდან, თავად კონცერტის ფორმატიდან და შინაარსიდან გამომდინარე, სხვადსახვა ლოკაციები იქნება შერჩეული, თუმცა კონცერტების უმრავლესობა, ბუნებრივია, ღიც ცის ქვეშ გაიმართება.

მისივე თქმით, წინა ხელისუფლების დროსაც მიიჩნევდა, რომ უცხოელი ვარსკვლავების ჩამოყვანა
ქვეყნის ტურისტული პოტენციალის გაზრდას უწყობს ხელს. თუმცა მიხეილ გიორგაძემ განაცხადა, რომ ამ შემთხვევაში თვისობრივი განსხვავება იქნება ის, რომ დიდი საერთაშორისო ვარკვლავების კონცერტების უმრავლეობაზე ბილეთები აუცილებლად გაიყიდება,

,,ეს არ იქნება ღია ცის ქვეშ უფასო კონცერტები. ჩვენს ქვეყანაში უსაფრთხოების, მოწესრიგებულობის თვალსაზრისით გარკვეული სტანდარტები უნდა შევქმნათ, მაშინ როცა ვსაუბრობთ უცხოეული ტურისტების მოზიდვაზე. ეს არ შეიძლება იყოს ქაოტურ, უკონტროლო რეჟიმში ჩატარებული ღონისძიებები, თავად არტისტებიც, პირველ რიგში, პოტენციური მაყურებლის უსაფრთხოების საკითხებს აყენებენ წინ, ვიდრე ტექნიკასა და ფინანსურ უზრუნველყოფაზე წავიდოდა საუბარი. ეს არის პრიორიტეტული საკითხი და შესაბამისი უზუნველყოფა სჭირდება, სწორედ ამიტომ ბილეთები გაიყიდება, თუმცა სიმბოლური ფასი იქნება - განაცხადა მინისტრმა.