დღეს, 23:50 წუთზე, რუსეთის ყოფილ საელჩოსთან ნადეჟდა სავჩენკოს მხარდამჭერი აქცია გაიმართება. სავჩენკოს მხარდასაჭერი აქცია თბილისის პარალელურად სხვადასხვა ქვეყნებში მიმდინარეობს.

თბილისში გამართულ აქციას ანსამბლ "სუხიშვილების" მოცეკვავეებიც უერთდებიან და როგორც უკვე ცნობილია, ისინი სპეციალურად ამ აქციაზე, ხორუმს შეასრულებენ.

"ვისთვისაც თავისუფლება ძვირფასია, ყველანი ვიკრიბებით რუსეთის ყოფილ საელჩოსთნ, ჩენ ასევე შემოგვიერთდებიან სუხიშვილები, ვმართავთ აქციას ნადეჟდა სავჩენკოს თავისუფლების დასაცავად", - განაცხადა თამარ ჩერგოლეიშვილმა.

შეგახსენებთ, რომ ნადეჟდა სავჩენკო, მოსკოვის სასამართლომ დღეს დამნაშავედ ცნო. იმ შემთხვევაში თუ სასამართლომ პროკურატურის მოთხოვნა დააკმაყოფილა უკრაინელ მფრინავს 23 წლიანი პატიმრობა ემუქრება.