ბრიუსელის აეროპორტში მომხდარ აფეთქებებს 11 ადამიანი ემსხვერპლა
მედიის ინფორმაციით, ბრიუსელის აეროპორტში მომხდარ აფეთქებებს 11 ადამიანი ემსხვერპლა, 20-მდე კი დაიჭრა. ამის შესახებ რია ნოვოსტი დასავლურ მედიაზე დაყრდნობით წერს.
ბელგიის დედაქალაქის აეროპორტში ორი ძლიერი აფეთქების ხმა დღეს გაისმა. ბიბისის ინფორმაციით, აფეთქებები კომპანია American Airlines-ის სარეგისტრაციო პუნქტთან მოხდა. ეროპორტის შენობიდან მგზავრებისა და მომსახურე პერსონალის ევაკუაცია მიმდინარეობს.
ყველა რეისი გადადებულია. წინასწარი ინფორმაციით აეროპორტში ტერაქტი განხორციელდა.
