ბრიუსელის აეროპორტში ტერაქტი თვითმკვლელმა განახორციელა
ბრიუსელის აეროპორტში ტერაქტი თვითმკვლელმა განახორციელა. ამის შესახებ ინფორმაციას სააგენტო როიტერი ავრცელებს.
როგორც ცნობილია, დღეს ბელგიის დედაქალაქში აფეთქებების სერია მოხდა. აეროპორტში მომხდარ ძლიერ აფეთქებებს წინასწარი მონაცემებით 17 ადამიანი ემსხვერპლა, 30-მდე კი დაიჭრა. აფეთქებები მოხდა ბრიუსელის ორ მეტროსადგურშიც. ამ ორი აფეთქების შესახებ დამატებითი ინფორმაცია არ ვრცელდება.
ქალაქში დაიკეტა სკოლები, საბავშვო ბაღები, მეტროსადგურები. შემოღებულია ტერორისტული საფრთხის უმაღლესი - მეოთხე დონე.
