აუდიტორული და ბიზნეს საკონსულტაციო კომპანია BDO საქართველოს რაგბის კავშირის აუდიტორი და სპონსორი გახდა.

მხარეთა შორის გაფორმებული ხელშეკრულების მიხედვით, BDO საქართველოს რაგბის კავშირისა და რაგბის ეროვნული ნაკრების სპონსორი ხდება და ამათანავე BDO  5 წლის განმავლობაში ფედერაციას  ფინანსური ანგარიშგების აუდიტს ჩაუტარებს   და ასევე გაუწევს საგადასახადო და იურიდიულ კონსულტაციებს.

„ჩვენთვის დიდი პატივია ვითანამშრომლოთ საქართველოს რაგბის კავშირთან. საქართველოში რაგბი არ არის მხოლოდ სპორტი, ის ჩვენი წარმატების სიმბოლოდ იქცა ბოლო წლების განმავლობაში და სიამაყის განცდა მოგვიტანა.

ეს თამნამშრომლობა მნიშვნელოვანია იმ მხრივაც, რომ BDO-ს პროფესიონალების გუნდის მიერ გაწეული მომსახუირება   უფრო მეტ გამჭვირვალობას მოუტანს საქართველოს რაგბის კავშირს“, - განაცხადა BDO-ს მმართველმა პარტნიორმა ზურაბ ლალაზაშვილმა.

აღსანიშნავია, რომ BDO მსოფლიოს 154 ქვეყანაში უწევს გამორჩეულ მომსახურებას სხვადასხვა სექტორის წამყვან ორგანიზაციებს აუდიტორული, საგადასახადო, ბიზნეს საკონსულტაციო და იურიდიული მიმართულებით.

BDO საქართველოს ბაზარზე 16 წელია ოპერირებს და მე-4 პოზიცია უკავია წამყვანი აუდიტორული კომპანიების რეიტინგში.