დღეს, საქართველოს საგარეო საქმეთა მინისტრის მოადგილემ, გიგი გიგიაძემ ბელგიაში მომხდარი ტრაგედიის გამო საქართველოში ევროკავშირის წარმომადგენლობის ოფისში გახსნილ სამძიმრის წიგნში ჩანაწერი დატოვა.

მინისტრის მოადგილემ ბელგიელ ხალხს მიუსამძიმრა და მწუხარება გამოთქვა ბრიუსელში მომხდარ ტერორისტულ აქტებთან დაკავშირებით.

„ეს ბარბაროსული აქტი არის თავდასხმა ფუნდამენტურ დემოკრატიულ პრინციპებზე, რაც უმთავრესია თავისუფალი საზოგადოებისთვის. ეს კიდევ ერთხელ შეგვახსენებს, რომ ტერორიზმის წინააღმდეგ ომი არ დასრულებულა და ჩვენ უნდა გავერთიანდეთ ძალადობრივი ექსტრემიზმის წინააღმდეგ ბრძოლაში" - ნათქვამია ჩანაწერში.