ტელეკომპანია ”რუსთავი 2-ის” გარშემო მიმდინარე პროცესებს მთავრობის წევრებიც ეხმაურებიან. საგარეო საქმეთა მინისტრი ხელისუფლების მხრიდან მედიის მისამართით რაიმე ტიპის ზეწოლას გამორიცხავს.

გიორგი კვირიკაშვილის თქმით, ხელისუფლებისთვის მედიის თავისუფლების საკითხი მნიშვნელოვანია და მთავრობა მიმდინარე პროცესს ყურადღებით დააკვირდება.

„ჩვენთვის უდიდესი მნიშვნელობა აქვს მედიის თავისუფლების საკითხს, ამ პროცესს ყურადღებით დავაკვირდებით. სასამართლო დამოუკიდებელია თავის გადაწყვეტილებაში. უკანასკნელი პერიოდის განმავლობაში სასამართლოს დამოუკიდებლობის არაერთი პრეცედენტი ვნახეთ. მნიშვნელოვანია, რომ მედია იყოს თავისუფალი და მას თავისუფალი სიტყვის გავრცელების საშუალება ჰქონდეს,“-განაცხადა გიორგი კვირიკაშვილმა.