ინდოეთში ესტაკადის ჩამონგრევას 10 ადამიანი ემსხვერპლა
სულ მცირე 10 ადამიანი დაიღუპა ინდოეთის ქალაქ კოლკატაში (ძველი სახელწოდება კალკუტა) მშენებარე ესტაკადის ჩამონგრევისას. სააგენტო ANI-ის ინფორმაციით ნანგრევებში კიდევ ათობით ადამიანია მოყოლილი.
ინციდენტის ადგილას სამაშველო ოპერაცია მიმდინარეობს. თვითმხილველთა თქმით, ნანგრევების ქვეშ შესაძლოა 100-მდე ადმიანი იმყოფებოდეს. ზოგიერთის მტკიცებით, კონსტრუქციის დანგრევამდე აფეთქების ხმა გაისმა.
ამის გარდა ვრცელდება ინფორმაცია, რომ ესტაკადის ქვეშ, სადაც საწვავის ავზები იყო განთავსებული, ხანძარი გაჩნდა.
