საქართველოს პრეზიდენტი გიორგი მარგველაშვილი, აშშ-ში სამუშაო ვიზიტის ფარგლებში, მაკკეინის ინსტიტუტის დირექტორს, აშშ-ს ყოფილ ელჩს NATO- ში კურტ ვოკერს და  ვაშინგტონის ანალიტიკური წრეების წარმომადგენლებს შეხვდა.

შეხვედრის მთავრი თემა რუსეთთან ურთიერთობა, უსაფრთხოების საკითხები, რეგიონში არსებული ვითარება და NATO - საქართველოს ურთიერთობები იყო.

როგორც ვაშინგტონის ანალიტიკური წრეების წარმომადგენლებმა საქართველოს პრეზიდენტთან შეხვედრისას აღნიშნეს, ყველაფერს გააკეთებენ, იმისათვის, რომ საქართველოს თემატიკა ამერიკის დღის წესრიგში აქტიურად იყოს წამოწეული.

როგორც პრეზიდენტის საგარეო ურთიერთობათა მდივანმა თენგიზ ფხალაძემ განაცხადა, მნიშვნელოვანია, რომ საქართველოს პრეზიდენტი უშუალოდ ესაუბრა იმ ექსპერტებს რუსეთთან ურთიერთობის, უსაფრთხოების საკითხებისა და NATO - საქართველოს ურთიერთობების შესახებ, რომლებიც ვაშინგტონში პოლიტიკურ და საზოგადოებრივ აზრს ქმნიან და განსაზღვრავენ.