ინდოეთში ესტაკადის ნანგრევების ქვეშ დარჩენილი ადამიანების გამოყვანა ვერ ხერხდება
ინდოეთის ქალაქ კოლკატაში მშენებარე ესტაკადის ჩამონგრევის შედეგად ნანგრევების ქვეშ მოყოლილი ათობით ადამიანის გამოყვანა ამ დრომდე ვერ ხერხდება.
შემთხვევის შედეგად, დაღუპულთა რაოდენობა 23-მდე გაიზარდა.
ხელისუფლების ინფორმაციით, ამ დროისათვის მაშველებმა 90 ადამიანი გადაარჩინეს, ზოგიერთი მათგანის ჯანრთელობის მდგომარეობა უკიდურესად მძიმეა.
ესტაკადა გუშინ ჩამოინგრა. მისი მიზეზები უცნობია, წინასწარი ინფორმციით, ჩამონგრევის მიზეზი შესაძლოა უხარისხო მშენებლობა და სამშენებლო მასალების ნაკლებობა გამხდარიყო.
