ვაშინგტონმა სირიაში სკოლისა და საავადმყოფოს დაბომბვის ფაქტი დაგმო
ვაშინგტონმა დამასკოს გარეუბანში სკოლისა და საავადმყოფოს დაბომბვის გამო აღშფოთება გამოთქვა.
”ჩვენ მკაცრად ვგმობთ მშვიდობიანი მოქალაქეების წინააღმდეგ მიმართულ ნებისმიერ შეტევას”, - ნათქვამია აშშ-ის სახელმწიფო დეპარტამენტის განცხადებაში.
როგორც ცნობილია, დეირ ალ-ასაფირში ავიადარტყმებს გუშინ 20 ადამიანი ემსხვერპლა, ათობით კი დაიჭრა.
თუ ვინ განახორციელა ავიადარტყმები, ჯერჯერობით უცნობია, ქალაქს ამბოხებულები აკონტროლებენ.
