ბათუმის საერთაშორისო აეროპორტიდან ავიარეისების რაოდენობა იზრდება. 2015 წლის  ზაფხულის სანავიგაციო სეზონისგან განსხვავებით, 2016 წლის ზაფხულის სეზონზე ბათუმიდან  5 ახალი რეგულარული მიმართულება დაემატება, მათ შორის აქტაუს, შარჟას, თელ-ავივის, ოდესისა და სანქტ-პეტერბურგის მიმართულებით.

სამოქალაქო ავიაციის სააგენტომ ქვეყნის აეროპორტებიდან  ავიაგადამზიდველების ფრენის განრიგი - ზაფხულის სანავიგაციო სეზონისთვის გამოაქვეყნა, რომელიც თავის მხრივ 27.03.-29.10 პერიოდს მოიცავს.

სააგენტოს ინფორმაციით, ბათუმის საერთაშორისო აეროპორტის რეგულარული სამგზავრო რეისების განრიგი კი ასეთია:  აქტაუ, დნეპროპეტროვსკი, თბილისი, თელ-ავივი, კიევი, მინსკი, მოსკოვი, ოდესა, სანქტ-პეტერბურგი, სტამბული, შარჟა.