8 აპრილს, 19:00 საათზე, გარემოსდაცვითი ინფორმაციისა და განათლების ცენტრის ეკოჰაბში, გაიმართება შეხვედრა მწვანე ჩაი მინისტრთან ერთად. 
შეხვედრის მთავარი თემა იქნება ბათუმის მინისტერიალი „გარემო ევროპისთვის“, რომლის შესახებ გარემოსა და ბუნებრივი რესურსების დაცვის მინისტრი გიგლა აგულაშვილი ისაუბრებს.

შეხვედრაზე განიხილება:
• მინისტერიალის მნიშვნელობა; 
• მიზნები და პერსპექტივები;
• კონფერენციის ფარგლებში დაგეგმილი აქტივობები;
• მინისტერიალზე განსახილველი მთავარი თემები.
შეგახსენებთ, რომ ბათუმში მინისტრთა მერვე კონფერენცია „გარემო ევროპისთვის“ 8-10 ივნისს არის დაგეგმილი. კონფერენციას დიპლომატიური კორპუსის, საერთაშორისო ორგანიზაციების და სამთავრობო უწყებების წარმომადგენლები დაესწრებიან.
გარემოსდაცვითი ინფორმაციისა და განათლების ცენტრი უზრულველყოფს მინისტერიალის საკოორდინაციო ჯგუფების შექმნასა და კონფერენციის ორგანიზებას. 

„მწვანე ჩაი მინისტრთან ერთად“ - წარმოადგენს გარემოსდაცვითი ინფორმაციისა და განათლების ცენტრის ინიციატივას.რომელიც გარემოსა და ბუნებრივი რესურსების დაცვის მინისტრთან პერიოდული შეხვედრების გამართვას და გარემოსდაცვითი საკითხების შესახებ ცნობიერების ამაღლებას ითვალისწინებს.