ბრიუსელში 22 მარტს განხორციელებულ ტერაქტში მონაწილე ერთ-ერთი თავდამსხმელი გარკვეული პერიოდის განმავლობაში ევროპარლამენტში დამლაგებლად მუშაობდა, - ამის შესახებ ევროპარლამენტის წარმომადგენელმა ჯაუმე დაჩ გუილომ განაცხადა, თუმცა მას ტერორისტის ვინაობა არ დაუკონკრეტებია. 

გუილოს ინფორმაციით, აღნიშნული პირი 2009-2010 წლებში იმ კომპანიაში მუშაობდა, რომელიც ევროპარლამენტში სამუშაოებს ასრულებდა. 

სააგენტო „როიტერი“ ევროსტრუქტურის ერთ-ერთ წარმომადგენელზე დაყრდნობით წერს, რომ თავდამსხმელი, შესაძლოა, ნაჯიმ ლააშრუი იყოს, რომელმაც ბრიუსელის აეროპორტში აიფეთქა თავი. თუმცა, მას ევროპარლამენტში მუშაობის დროს კრიმინალური წარსული არ ჰქონია.