საკრებულოს დეპუტატ ირაკლი აბესაძის მტკიცებით, დადიანის ქუჩაზე, „ქართული ოცნების" დეპუტატმა ვალერი გელაშვილმა მაღალსართულიანი კორპუსის მშენებლობის ნებართვა მიიღო.

"ჩვენ ვხედავთ ერთის მხრივ, თბლისის მერს,  დავით ნარმანიას, რომელიც მუდმივად იძლევა დაპირებას, რომ შეზღუდავს ქალაქში მაღალსართულიანი მშენებლობების ნებართვებს, რომელიც გვპირდება, რომ თითქოს მოაწესრიგებს ქალაქში მშენებლობებს, ერთის მხრივ სამმილიონნახევარს ხარჯავს ქალაქის გენერალური გეგმის შემუშავებაზე~ და მეორე ხელით აკმაყოფილებს თანამდებობის პირების, მეგობრების და ნათევსავების კორუფციულ სურვილებს, კორუფციულ მადას. ამჯერად საუბარია დადიანის ქუჩაზე, "ქარვასლას" უკან მდებარე ნაკვეთზე, რომელზეც მერიამ მიიღო გადაწყვეტილება და ერთ კონკრეტულ ნაკვეთზე, სადაც მხოლოდ ინდივიდუალური სახლები მდებარეობს, გასცა ნებართვა მრავალსართულიანი საცხოვრებელი სახლის მშენებლობის. ეს შეუძლებელი იქნებოდა საზოგადოების ნებისმიერი წევრისთვის, მაგრამ თუ გავითვალისწინებთ ვინ მფლობელიმ გასაკვირი არაფერის. აღნიშნულ ნაკვეთა ფაქტობრივად ფლობს დეპუტატი ვალერი გელაშვილი.  „ქართული ოცნების დეპუტატებისთვის, მისი მინისტრებისა და ნათესავ-მეგობრებისთვის შეუძლებელი არაფერია ამ ქალაქში. იქ, სადაც ვალერი გელაშვილს ეძლევა საშუალება მრავალსართულიანი საცხოვრებელი სახლი მშენებლობის, გარშემო არსად ასეთი ინტენსივობით მშენებლობის უფლება გაცემული არ არის. ეს ოაზისი, კუნძული შეიქმნა მხოლოდდამხოლოდ ვალერი გელაშვილის ინტერესების დასაკმაყოფილებლად", - განაცხადა ირაკლი აბესაძემ.