ორგანიზაციის ”ექიმები საზღვრებს გარეშე” მონაცემებით, 300 მიგრანტი დაშავდა საბერძნეთისა და მაკედონიის საზღვარზე. პოლიციასა და მიგრანტებს შორის შეტაკება, იმ დროს მოხდა, როდესაც მიგრანტები მაკედონიაში შეჭრას ცდილობდნენ. სამართალდამცველებმა მათ წინააღმდეგ ცრემლსადენი გაზი და მანათობელ-ხმოვანი ყუმბარები გამოიყენეს.

ორგანიზაციის წარმომადგენელთა თქმით 30 ადამიანი პლასტიკური ტყვიებით არის დაიჭრილი. კიდევ 30 კი რეზინის ხელკეტებით სასტიკად არინ ნაცემი.

ბი ბი სის ინფორმაციით დაშავებულთა უმეტესობა მამაკაცია, თუმცა მათ შორის არიან ქალები და ბავშვები.

საბერძნეთის საიმიგრაციო სამსახურის წარმომადგენელმა გეორგოს კირიცისმა მაკედონიის პოლიციის ქმედებას ”სახიფათო და სავალალო” უწოდა. მისივე თქმით, ასეთი ზომების მიღება აუცილებლობას არ წარმოადგენდა.

მაკედონიელ პოლიციელთა მტკიცებით, მათ მხოლოდ ცრემლსადენი გაზი გამოიყენეს . მათივე თქმით, შეტაკების შედეგად სამი პოლიციელია დაშავებული.