საქართველოს დამოუკიდებლობის აღდგენის 25 წლისთავთან დაკავშირებით, ბრაზილიის ფედერაციულ რესპუბლიკაში საქართველოს საელჩომ ქ. რიო-დე-ჟანეიროში მდებარე კორკოვადოს მთაზე საქართველოს დროშა აღმართა.

კორკოვადოს მთაზე მდებარე ე.წ. მსოფლიო დროშების დერეფანში საქართველოს დროშა 2016 წლის 7აპრილს განთავსდა და ამიერიდან  ბრაზილიის ერთ-ერთ ღირსშესანიშნავ ადგილას მუდმივად იქნება აღმართული.

​"კორკოვადოს" მთა, სადაც 1931 წელს 32 მეტრიანი ქრისტეს ქანდაკება განათავსეს, ბრაზილიის მთავარ ღირსშესანიშნაობას წარმოადგენს, მას  ყოველწლიურად 300 000-ზე მეტი ტურისტი სტუმრობს.  მსოფლიო დროშების დერეფანში საქართველოს დროშის აღმართვა დამატებით  ხელს შეუწყობს ქვეყნის ცნობადობის ამაღლებას  არა მხოლოდ ბრაზილიაში, არამედ მთელს კონტინენტზე.