,,საერთაშორისო გამჭვირვალობა - საქართველოს“ ხელმძღვანელი ეკა გიგაური აცხადებს, რომ პირადი ცხოვრების ამსახველი ფარული ჩანაწერები არ შეესაბამება სიმართლეს და ეს არის ე.წ. ფეიკი. მისი თქმით, საზოგადოებამ არ უნდა შეხედოს ჩანაწერებს, რომელსაც უცხოური სპეცსამსახურები იყენებენ.

,,ამ შემთხვევაში, უფრო მეტად ვიფიქრებდი, რომ ეს არის უცხო ქვეყნის სპეცსამსახურებისთვის დამახასიათებელი მეთოდები, როდესაც აქ ვიღაც კონკრეტულ ადამიანებს სახელებს წერ და შემდეგ მათი იდენტიფიცირება შეუძლებელია ამ ვიდეოებში და საზოგადეობას შეიძლება სჯეროდეს, რომ ეს კონკრეტული ადამიანები არიან ამ ვიდეოებზე.
ყველაფერი რაც გავრცელდა, არ შეესაბამება სიმართლეს. ეს არის ე.წ. ფეიკი. შესაბამისად, ეს განკუთვნილია კონკრეტული პირების დისკრედიტაციისთვის. საზოგადოებას მოვუწოდებ, რომ არ დაუჯერონ, არ შეხედონ, ეს არ არის სიმართლე და ყურადღება არ მიაქციონ მათ“, - განაცხადა გიგაურმა.

ინტერნეტში დღეს პირადი ცხოვრების ამსახველი მორიგი კადრები გავრცელდა.