აშშ-ის შეიარაღებულ ძალებს რუსული ბობმბდამშენების ჩამოგდების უფლება ჰქონდათ. ამის შესახებ აშშ-ის სახელმწიფო მდივანმა ჯონ კერიმ CNN -თვის მიცემულ ინტერვიუში განაცხადა.

კერი იმ ინციდენტს გამოეხმაურა, რომლის დროსაც რუსულმა СУ-24 ტიპის ბომბდამშენებმა ბალტიის ზღვაში ამერიკის ხომალდს USS Donald Cook-ს რამდენჯერმე ძალიან ახლოს ჩაუფრინეს.

სახელმწიფო მდივანმა ინციდენტი მკაცრად გააკრიტიკა და მას სახიფათო უწოდა. კერიმ იმედი გამოთქვა, რომ მომავალში მსგავსი რამ აღარ განმეორდება.

”ეს პროვოკაციაა და ეს საშიშია. შეირაღებული ძალების გამოყენების წესების თანახმად, თვითმფრინავების ჩამოდგება შეიძლებოდა”,- აღნიშნა კერიმ და დასძინა რომ ღია ზღვაში ამერიკის დაშინება შეუძლებელია.