მასობრივი ჩხუბი მოხდა შვედეთში მიგრანტების დროებითი განთავსების ცენტრში. ინციდენტი ქვეყნის ჩრდილოეთ ნაწილში ქალაქ ბუდენში მოხდა.
ტელეარხ SVT-ის ცნობით, ჩხუბში 60-მდე ადამიანი მონაწილეობდა. შემთხვევის ადგილზე მისულ პოლიციელებს ვითარება განმუხტული დახვდათ.

პოლიციელთა ინფორმაციით, დაპირისპირება ორ მიგრანტს შორის მოხდა, შემდეგ კი ის მასობრივ ჩხუბში გადაიზრდა. სამართალდამცველებმა ერთი მამაკაცი დააკავეს, რომელიც ნარკოტიკების ზემოქმედების ქევშ იმყოფებოდა და აგრესიულად იქცეოდა.

2015 წელს შვედეთში 163 ათასი მიგრანტი ჩავიდა. ხელისუფლების განცხადებით წელს შვედეთის სამეფო კიდევ 140 ათასამდე მიგრანტს მიიღებს.