ევროკავშირიდან ბრიტანეთის გამოსვლა თითოეულ ოჯახს 6 ათასი დოლარი დაუჯდება
ევროკავშირიდან დიდი ბრიტანეთის გამოსვლა თითოეულ ბრიტანულ ოჯახს ყოველწლიურად 6 ათასი დოლარი დაუჯდება. ამის შესახებ ქვეყნის ფინანსთა მინისტრმა ჯორჯ ოსბორნმა განაცხადა.
მისი თქმით, გაერთიანებული სამეფო შეუქცევადად გაღარიბდება. როგორც The Times-ი წერს, სახელმწიფო ხაზინა ბრიტანული ეკონომიკისთვის სერიოზულ დარტყმას პროგნოზირებს, რომელიც ვაჭრობისა და ინვესტიციების შემცირების გამო არა დროებითი, არამედ მუდმივი გახდება.
რეფერენდუმი ევროკავშირში დიდი ბრიტანეთის დარჩენის შესახებ 2016 წლის 23 ივნისს უნდა გაიმართოს.
