ნობელის პრემია ფიზიოლოგიისა და მედიცინის დარგში ირლანდიელ, იაპონელ და ჩინელ მეცნიერებს გადაეცათ
2015 წლის ნობელის პრემია ფიზიოლოგიისა და მედიცინის დარგში ირლანდიელ უილიამ კემპბელს, იაპონელ სატოში ომურეს და ჩინელ ტუ იუიუს გადაეცათ. ამის შესახებ სტოკჰოლმში კაროლინის სამედიცინო ინსტიტუტის ნობელის კომიტეტში განაცხადეს.
მეცნიერებმა პრემია პარაზიტებით გამოწვეული დაავადებებისა და მალარიის მკურნალობის ახალი მეთოდების შექმნისთვის მიიღეს.
ნობელის პრემიის ლაურეატების დაჯილდოვება 10 დეკემბერს სტოკჰოლმში გაიმართება.
