ავღანელმა პოლიციელებმა ”თალიბანის” 12 მებრძოლი გაანადგურეს
ავღანეთის უსაფრთხოების ძალებმა ქვეყნის ჩრდილოეთ ნაწილში 12 თალიბი გაანადგურეს.
TOLO News-ის ცნობით, გვიან ღამით თალიბები თავს დაესხნენ ქაჰარბოლაკის რაიონში პოლიციის პოსტს. ძალოვანებმა მებრძოლებს წინააღმდეგობა გაუწიოს და იერიში მოიგერიეს. შეტაკების შედეგად ერთი პოლიციელი დაიჭრა.
ავღანეთში ვითარება ბოლო თვეების განმავლობაში ძალიან დაიძაბა. მოძრაობა ”თალიბანი”, რომელიც მანამდე ქვეყნის მნიშვნელოვან ტერიტორიაზე დასახლებულ პუნქტებს აკონტროლებდა, მასშტაბური იერიში მსხვილ ქალაქებზეც მიიტანა. ქვეყნის ტერიტორიაზე ასევე გაიზარდა ”ისლამური სახელმწიფოს” გავლენაც.
