12-14 აპრილს, აჭარის ტურიზმის დეპარტამენტმა წელს პირველად რეგიონის ტურისტული პოტენციალი ჩინეთში, პეკინის საერთაშორისო ტურისტულ გამოფენაზე „COTTM“ წარადგინა. გამოფენაში დეპარტამენტი საქართველოს ტურიზმის ეროვნულ ადმინისტრაციასთან ერთად იმყოფებოდა. საქართველოს სტენდთან მისულ ვიზიტორებს საშუალება ჰქონდათ რეგიონის ტურისტული პროდუქტების ამსახველ სარეკლამო-საინფორმაციო მასალებს გაცნობოდნენ და დეტალური ინფორმაცია მიეღოთ აჭარაში დასვენების შესახებ.

აჭარის ტურიზმის დეპარტამენტი სამიზნე ქვეყნების გამრვალფეროვნებისა და ახალი ბაზრების შესწავლის მიზნით ჩინეთის გარდა, მონაწილეობას გეგმავს იაპონიის, სამხრეთ კორეისა და დუბაის საერთაშორისო ტურისტულ გამოფენებშიც. რეგიონის შესახებ ცნობადობის გაზრდისა და ახალი კონტაქტების დამყარების მიზნით ასევე იგეგმება აჭარის ტურისტული პოტენციალის პრეზენტაცია  დუბაისა და ბაჰრეინში. აჭარის ტურიზმის დეპარტამენტი აზიურ ბაზარზე რეგიონის რეკლამირებას წელს პირველად ახდენს.

სულ, მიმდინარე წელს დეპატამენტმა აჭრის რეგიონი 11 საერთაშორისო ტურისტულ გამოფენაზე წარადგინა. წლის ბოლომდე დეპარტამენტი დამატებით 6 ტურისტულ გამოფენაში მიიღებს მონაწილეობას.