ბათუმში ასფალტის საფარი ჰაიდარ აბაშიძიდან სელიმ ხიმშიაშვილის ქუჩამდე მონაკვეთში იგება. როგორც ბათუმის მერიაში აცხადებენ, მსხვილმარცვლოვანი ასფალტის პირველი ფენა 1320 კვმ-ზე დაიგება.

ტერიტორიაზე უკვე მოწესრიგდა სანიაღვრე სისტემა, დამონტაჟდა 2 ცხაურიანი და 1 დახურული ჭა. აღნიშნული მონაკვეთის მოასფალტება დღესვე დასრულდება. პარალელურად მიმდინარეობს ბორდიურებისა და ტროტუარების მოწყობის სამუშაოები, სადაც დაიგება ფილები, მოეწყობა პანდუსები და უსინათლოთა ბილიკები.
ხვალიდან კი დემეტრე თავდადებულისა და ლუკა ასათიანის ქუჩებს შორის არსებული მონაკვეთი მოასფალტდება. პუშკინის ქუჩის რეაბილიტაცია (ჯავახიშვილისა და დემეტრე თავდადებულის ქუჩებს შორის არსებული მონაკვეთი) ივნისისთვის დასრულდება, რის შემდეგაც კეთილმოწყობის სამუშაოები სხვა ქუჩებზე გაგრძელდება.
ჭაობის ქუჩების კეთილმოწყობისთვის ქალაქის ბიუჯეტში 18 მილიონ 41 ათასი ლარია გათვალისწინებული, რომლის ფარგლებშიც სამუშაოები 3 წლის განმავლობაში, ეტაპობრივად 25 ქუჩაზე უნდა ჩატარდეს.