77 ადამიანის მკვლელობაში ბრალდებული ანდრეს ბრეივიკის სარჩელი ნორვეგიის სასამართლომ დააკმაყოფილა. როგორც Reuters-ი წერს, ბრეივიკი ქვეყნის ხელისუფლებას მის მიმართ არაჰუმანური მოპყრობისათვის უჩიოდა, კერძოდ, ის ჩიოდა, რომ მისთვის ცივი ყავა და მიკროტალღურ ღუმელში შემთბარი საკვები მიჰქონდათ. ”ეს წყლით წამებაზე უარესია”, -ამტკიცებდა ტერორტი.

ამის გარდა, მსჯავრედუბლი აღშფოთებული იყო იმით, რომ იზოლირებული იყო სხვა პატიმრებისგან.

სარჩელში ასევე აღნიშნულია, რომ პატიმრობის განმავლობაში მის საკანში ჩხრეკა 800-ჯერ განხორციელდა, რაც მისი, როგორც პატიმრის უფლებებს არღვევს.

სასამართლო გადაწყვეტილებით, ანდრეს ბრეივიკის პატიმრობაში ყოფნის პირობები წარმოადგენს არაადამიანურ მოპყრობას.

სასამართლოს დადგენილებით, ხელისუფლებამ უნდა აანაზღაუროს ბრეივიკის მიერ ადვოკატისთვის დახარჯული თანხა – დაახლოებით 40 ათასი დოლარი.

2011 წლის 22 ივლისს ანდერს ბრეივიკმა ასაფეთქებელი მოწყობილობა დაამონტაჟა ოსლოს სამთავრობო უბანში, შემდეგ კი თავს დაესხა ლეიბორისტული პარტიის ახალგზრდული ორგანიზაციის საზაფხულო ბანაკს.

აფეთქებას ემსხვერპლა 8 ადამიანი, ხოლო 69 დაიღუპა საზაფხულო ბანაკზე თავდასხმისას. დაღუპულთა უმეტესობა მოზარდები იყვნენ.