ბათუმში ძლიერმა ქარმა მწვანე ნარგავები დააზიანა
ბათუმში ძლიერმა ქარმა მწვანე ნარგავები დააზიანა. ბათუმის მერიის განცხადებით, ქალაქის სხვადასხვა უბანში წაქცეულია რამდენიმე ხე.
„ამ დროისთვის გამწვანების სამსახური მოტეხილი ტოტების გატანის სამუშაოებს ახორციელებს. შპს ,,სანდასუფთავებამ“ უკვე დაასრულა ქარისგან დანაგვიანებული ქუჩების დასუფთავება ქალაქის როგორც ცენტრალურ ნაწილში, ასევე გარეუბნებშიც. გაწმენდილია სანაპირო ზოლიც”, აცხადებენ ბათუმის მერიაში.
