ჩემი ქვეყანა ვერ იქნება თავისუფალი, სანამ მისი მოქალაქეები ღირსეულად არ იცხოვრებენ, - ამის შესახებ საქართველოს პრემიერ-მინისტრმა, გიორგი კვირიკაშვილმა სტრასბურგში, ევროსაბჭოს საპარლამენტო ასამბლეაზე სიტყვით გამოსვლისას განაცხადა.

„ჩვენ დიდი გზა გავიარეთ,  რომ ერთიანი და თავისუფალი ევროპის ნაწილი ვყოფილიყავით.. საქართველო ევროსაბჭოს 1999 წლის აპრილში შუერთდა. არის რამდენიმე ინსტიტუტი, რომელიც მთლიან და თავისუფალ ევროპას წარმოაჩენს და ერთ-ერთი მათგანი ევროსაბჭოა. საქართველომ რამდენიმე ორგანიზაციაში გაწევრიანდა, რომ ევროპული ერების კლუბში მიეღოთ. ეს იყო ეროვნული სტრატეგია. თუმცა, ევროსაბჭოში გაწევრიანებით, ჩვენ ევროპელები ამ სიტყვის უფრო ღრმა გაგებით გავხდით: ისტორიული ფესვების დაფასებით და ამავე დროს ინდივიდუალური მოქალაქის უფლებების გაფართოებით. იყო ევროპელი არ არის გეოგრაფიული განცხადება. ეს არის უპირველეს ყოვლისა უსაფრთხოების, ღირსების, თავისუფლების, შესაძლებლობის გრძნობა, რომელიც ასახავს გარკვეულ სოციალურ კონტარქტს. ჩემი ქვეყანა ვერ იქნება თავისუფალი, სანამ მისი მოქალაქეები ღირსეულად არ იცხოვრებენ. იდეა, რომ მოქალაქეებს აქვთ განუყოფელი უფლებები, რომლებიც უმრავლესობის ტირანიას არ ექვემდებარება, არის ევროპის დემკრატიული გამოცდილების გული. ჩვენ ვამზადებთ ევროპული ხარისხის სოციალურ კონტარქტს. ეს არის კონტარქტი, რომელიც არ ექვემდებარება რატიფიცირებას, ვეტოს, პირობებს, დამკიცებას ან მოლაპარაკებებს. ჩვენ მივიწევთ წინ, გარკვეული შიდა და საგარეო პრობლემებისა და პირობების მიუხედავად“,-აღნიშნა გიორგი კვირიკაშვილმა.