„ზედაზენი“ საკუთარ პროდუქციის კონტროლს სუპერთანამედროვე ლაბორატორიით ახორციელებს, რაც კომპანიის მიერ წარმოებული პროდუქციის ხარისხიანობის გარანტიაა. „ქართული ლუდის კომპანიის“ ხარისხის კონტროლის სამსახურის უფროსი ნათია ბილანიშვილი განმარტავს, რომ პროდუქციის კონტროლი ხდება, როგორც ქიმიური ასევე მიკრობიოლოგიური ლაბორატორიის მეშვეობით.

„გვაქვს ქიმიური და მიკრობიოლოგიური ლაბორატორია, რომელიც სრულადაა აღჭურვილი თანამედროვე აპარატურით. ეს თანამედროვე აპარატურა საშუალებას გვაძლევს შევამოწმოთ, როგორც შემოსული ნედლეული, ისე შუალედური და მზა პროდუქტი.

ხარისხის კონტროლს აქვს თავისი გეგმა, რომლის მიხედვითაც განსაზღვრულია ყველა ქიმიური და მიკრობიოლოგიური პარამეტრი”, -აცხადებს ნათია ბილანიშვილი.

 „ქართული ლუდის კომპანიის“ ხარისხის კონტროლის სამსახურის უფროსის  განმარტებით, მიმდინარე პროცესები იმდენად კონტროლდება საწყისი ეტაპიდანვე, რომ საბოლოოდ შეუსაბამო სპროდუქციას ადგილი აღარ აქვს.

„ქართული ლუდის კომპანიაში“ ლიმონათი ნატურალური არომატორებით იწარმოება, გარდა ამისა, პროდუქცია მზადდება 100 %-ით შაქარზე. ანუ არ ვიყენებთ შაქრის შემცვლელს. თუმცა გვაქვს ასევე ლიმონათი დიაბეტური და დიეტური, სადაც შაქრის შემცვლელი გამოიყენება, მაგრამ ასეთ პროდუქციას აღნიშნულის შესახებ ეტიკეტზე აწერია“, აცხადებს ბილანიშვილი.

ლუდის მიმართულებით კომპანია სალიცენზიო პროდუქციასაც აწარმოებს.

„შესაბამისად კონტროლი ხდება როგორც ჩვენი მხრიდან ასევე ძირითადი მწარმოებელი კომპანიების (ბიტბურგერი, ბავარია) მხრიდან. პირდაპირ ვიტყვი, კონტროლი გაორმაგებული და გასამმაგებულია.

ლუდი  უმაღლესი ხარისხის ნედლეულისგან იწარმოება, ამას ემატება თანამედროვე ტქნოლოგიები და კონტროლი. თუ წარმოებას გადავხედავთ მინიმალიზებულია ადამიანური ფაქტორი, აბსოლიტურად კომპიუტირეზირებულია საწარმო. აქედან გამომდინარე საწარმოს აქვს შესაძლებლობა ასაწმოოს ხარისხიანი პროდუქცია“, -აცხადებს ნათია ბილანიშვილი.

აღსანიშნავია, რომ  „ქართული ლუდის კომპანიის“ მიერ წარმოებული ყველა სახეობის ლუდში არ ხდება ფერმენტების შერევა. ლუდი 100%-ით  ალაოსგან იწარმოება.