თურქეთის განცხადებები მთიან ყარაბაღთან დაკავშირებით, კრიზისის დარეგულრებას ხელს არ უწყობს, ეს ომისკენ მოწოდებაა. განცხადება ამის შესახებ რუსეთის საგარეო საქმეთა მინისტრმა სერგეი ლავროვმა ერევანში ვიზიტისას განაცხადა.
”მიმაჩნია, რომ განცხადებები, რომლებიც თურქეთის ხელისუფლებიდ მხრიდან გაისმა, აბსოლუტურად მიუღებელია ერთი უბრალო მიზეზით - ეს არის მოწოდებები არა მშვიდობის, არამედ ომისაკენ, ეს არის მოწოდებები კონფლიქტის მოგვარებისთვის სამხედრო ძალადობის გამოყენებისკენ”, - განაცხადა ლავროვმა სომხეთის საგარეო საქმეთა მინისტრთან შეხვედრის შემდეგ.

რუსეთის მთავარი დიპლომატი სერგეი ლავროვი მთიანი ყარაბაღის საკითხის განსახილველად სომხეთში ორდღიანი ვიზიტით იმყოფება.

ერევანში სერგეი ლავროვმა ოსმალეთის იმპერიიდან სომხების მასობრივი დეპორტაციის დროს გარდაცვლილთა ხსოვნისადმი მიძღვნილი მემორიალი გვირგვინით შეამკო.

სერგეი ლავროვის სოხმეთში ვიზიტის წინ რუსეთის საელჩოსთან საპროტესტო აქცია გაიმართა, რომელზეც პოლიციასა და მომიტინგეებს შორის დაპირისპირება მოხდა