ცნობილი ინდოელი მსახიონი გაურავ ჩოპრა აჭარის სტუმარი იქნება. მსახიობი დღეს ბათუმს ეწვევა, ხოლო ხვალ ხულოს მოინახულებს. ბათუმში ვიზიტის ფარგლებში ჩოპრა, შავი ზღვის ერთ-ერთ ულამაზეს ქალაქს დაათვალიერებს და აჭარულ კერძებსაც დააგემოვნებს.

აღსანიშნავია, რომ ჩოპრა ხულოში მცხოვრებ შშმ პირს თხოვნას უსრულებს და მის სანახავად აჭარაში ჩადის. 14 წლის ლელა ჯორბენაძემ მსახიობი  „დღის შოუს“ საშუალებით დაპატიჟა. ბოლივუდელ მსახიობსაც ბევრი არ უფიქრია უმალვე აჭარაში ჩასვლის პირობა დადო. ჩოპრა ლელა ჯორბენაძეს სახლში ესტუმრება და გოგონას პირადად გაიცნობს.

ხულოში ვიზიტის ფარგლებში გაურავ ჩოპრას მაღალმთიანი აჭარის კულტურას და ტურისტულ პოტენციალს გააცნობენ.

შეგახსენებთ, რომ გორავ ჩოპრა საქართველოში უკვე რამდენიმე კვირაა სტუმრობს. ის სატელევიზიო პროექტ „ცეკვავენ ვარსკვლაბევში“ მონაწილეობს.

გასულ კვირას მსახიობი კახეთს სტუმრობდა, მიმდინარე კვირაში კი აჭარის სტუმარი იქნება.