რეგიონული სასწრაფო დახმარების ცენტრის ავტოპარკს 20 ახალი მანქანა შეემატება. როგორც ”პრაიმნიუსჯორჯიას” სასწრაფო სამედიცინო დახმარების ცენტრიდან აცნობეს, რაიონული სამსახურებისთვის გადაცემამდე, ჯანდაცვის სამინისტროს სასწავლო ცენტრში განთავსებულ ავტომობილებს დღეს საქართველოს შრომის, ჯანმრთელობისა და სოციალური დაცვის მინისტრი დავით სერგეენკო პირადად დაათვალიერებს.
სამედიცინო წესით აღჭურვილი მანქანები საქართველოს ყველა რეგიონში განაწილდება. 20 მაღალი გამავლობის სპეც-მანქანა რაიონულ სამსახურებს საჭიროების მიხედვით გადაეცემა. რეგიონული სასწრაფო სამედიცინო დახმარების ცენტრს 180 საშუალო და მაღალი გამავლობის ავტომობილი 2014 წელს გადაეცა. 20 ახალი სპეც-მანქანების დამატების შედეგად, ცენტრის ავტოპარკი სრულად განახლდება.