ქართული ოცნების ზოგიერთი ლენინელი და სტალინელი გვიქმნის პრობლემას, - განაცხადა პარლამენტის თავმჯდომარემ, დავით უსუფაშვილმა ვიზალიბერალიზაციის საკითზე კომენტირებისას.

„არის სამი მცირე პრობლემა, რომელსაც გათვალისწინება სჭირდება - პირველი, ეს არის ის გეოპოლიტიკური ვითარება, რაც შექმნილია რეგიონში და ზოგადად ევროპაში და ის კრიზისი, რაც გამოწვეულია არა საქართველოს გამო და არა საქართველოს მიერ, მაგრამ ახდენს გავლენას მიმდინარე პროცესებზე; მეორე პრობლემა არის მცირე, მაგრამ მაინც არსებობს და ეს არის ყოფილი ხელისუფლების, სააკაშვილის გუნდის, ერთი ნაწილის მცდელობა, რომ ევროპარლამენტში, კერძოდ სახალხო პარტიის წარმომადგენელთა ერთ ნაწილთან ჰქონდეთ იმ ტიპის შეთანხმება, რომ ვიზალიბერალიზაციის საკითხი მიებას საქართველოში ნაციონალური მოძრაობის პოლიტიკურ ინტერესებს. მესამე არის ის, რომ ქართული ოცნების ზოგიერთი არცთუ ნორჩი ლენინელი და სტალინელი მართლაც გვიქმნის პრობლემას, იმიტომ, რომ მათი ბევრი განცხადება გვხვდება აქ, როგორც ხელისუფლების წარმომადგენელთა განცხადება. ჩვენი ამოცანაა, რომ ამ სამივე მცირე საკითხს გავუმკლავდეთ სათანადოდ“. - განაცხადა უსუფაშილმა.