არასამთავრობო სექტორის მიერ მომზადებული საკანონმდებლო ინიციატივის მთავარი მიზანი არის ის, რომ გავაკეთოთ სუს-ის რეფორმა,  „საერთაშორისო გამჭვირვალობა საქართველოს“ ხელმძღვანელის ეკა გიგუარის განცხადებით, არასამთავრობო სექტორის მიერ მომზადებული საკანონმდებლო ინიციატივის მთავარი მიზანი სუს-ის რეფორმაა. ამის შესახებ მან სასტუმრო „ჰოლიდეი ინნ“- ში ჟურნალისტებს განუცხადა,

მისივე თქმით, არასამთავრობო ორგანიზაციების პროექტის მიზანია, გაიზარდოს სახელმწიფო უსაფრთხოების სამსახურის ანგარიშვალდებულება.

,,დიდი ხანია ვსაუბრობთ, რომ ე.წ. ოდეერების ის სისტემა, რომელიც არსებობს ქვეყანაში, უნდა შეიცვალოს და ფაქტობრივად გაუქმდეს. სუსიდან უნდა გამოვიდეს ოპერატიულ-ტექნიკური დეპარტამენტი - ე.წ.  ოტო. სუსს არ უნდა ჰქონდეს უფლება, ჩვენი მოქალაქეების მოსმენები განახორციელოს უკონტროლოდ. ასევე პარლამენტში უნდა შეიქმნას სპეციალური ჯგუფი, რომელიც გააკონტროლებს სუსის საქმიანობას”, - განაცხადა ეკა გიგაურმა.

მისი თქმით, ე.წ ოტო არ უნდა ექვემდებარებოდეს ისეთ უწყებას, რომლის ინტერესებშიც არის მოქალაქეების თვალთვალი, ის უნდა იყოს დამოუკიდებელი და აწვდიდეს სერვისს იმ ორგანოებს, რომლებიც დაინტერესებულები იქნებიან, კანონით განსაზღვრულ კონკრეტულ შემთხვევებში, მოუსმინოს ან თვალთვალი განახორციელოს მოქალაქეზე.

„ე.წ. ოტო იქნება სერვის პროვაიდერი, დამოუკიდებელი უწყება, რომელსაც შემდგომ გააკონტროლებს პარლამენტი“, - განაცხადა ეკა გიგუარმა.