სააგენტო „ფოსტალიონის“ ინფორმაციით, ონლაინსესხის გამო კახეთში, სოფელ ბადიაურში 24 წლის მამაკაცმა თავი მოიკლა.

სააგენტო ამასთან დაკავშირებით საბანკო და სამევახშეო სისტემებისგან დაზარალებულთა კომიტეტის თავმჯდომარის მამისა ჯაფარიშვილის კომენტარს აქვეყნებს.

„ახალგაზრდა კაცი, რომელმაც თავი მოიკლა, დღეს მიაბარეს მიწას. ამ შემთხვევიდან რამდენიმე კვირის კვირის წინ ჩვენთან მოვიდა. მას ონლაინსესხი ჰქონდა აღებული  VIVUS.ge-დან. თანხა დიდი არ იყო 700 დოლარი, 1200 უკვე შეტანილი ჰქონდა. მაგრამ პროცენტით და დაგვიანებით თანხა გაეზარდა და ყოველდღე ურეკავდნენ ონლაინ ბანკის ოფიცრები, ემუქრებოდნე რომ სახლკარს დააკარგვინდებდნენ.“, - აცხადებს სააგენტოსტან  საუბარში მამისა ჯაფარიშვილი.

„პრაიმნიუსჯორჯია“  VIVUS.ge-ს PR სამსახურის უფროსს გურამ შეროზიას დაუკაშირდა, რომელმაც განაცხადა, რომ  რამდენიმე დღეა VIVUS.ge-ში აღარ მუშაობს, თუმცა მის იქ ყოფნის მუშაობის პერიოდში, მას მსგავსი შემთხვევის შესახებ, ინფორმაცია არ ჰქონია.

VIVUS.ge-ს PR სამსახურის ახალმა ხელმძღვანელმა, ანა გავაშელმა, აღნიშნულ საკითხზე საუბარი მოუცლელობის გამო არ ისურვა.