,,ნაციონალური მოძრაობის" დეპუტატი ჩიორა თაქთაქიშვილი მიიჩნევს, რომ დამატებითი კვლევის გარეშეც ცხადია - ქვეყანა ბოლო პერიოდში არასწორად ვითარდება. ამის შესახებ მან IRI-ს მიერ ჩატარებული კვლევის შედეგებზე საუბრისას განაცხადა, რომლის თანახმადაც გამოკითხულთა 70% მიიჩნევს, რომ ქვეყანა არასწორი მიმართულებით ვითარდება.

,,ამ კვლევიდან ყველაზე მთავარი დასკვნა არის ის, რასაც დამატებითი კვლევა არ სჭირდება, რადგან საქართველოს მოქალაქეები საკუთარ თავზე გრძნობენ იმას, რომ ქვეყანა არასწორი მიმართულებით ვითარდება. პირველ რიგში საუბარი არის გაუგონარ სიღარიბეზე, ფასების ინფლაციაზე, გაზრდილ გადასახადებზე. ჩვენ ვხედავთ, რომ ,,ქართული ოცნების“ მეოთხე ე.წ. საუკთესო წელს არის ყველაზე გაუარესებული მდგომარეობა . ეს ყველაფერი უნდა დასრულდეს 2016 წელს არჩევნებით, როდესაც ხელისუფლებაში მოვა პოლიტიკური ძალა, რომელიც რეალურ პრობლემებზე იმუშავებს და არ მოემსახურება ერთი ადამიანის, ბიძინა ივანიშვილის ინტერესებს“, - განაცხადა ჩიორა თაქთაქიშვილმა.