”ყაზტრანსგაზი”მთავრობას აშანტაჟებს, - ამ შეფასებას ეკონომიკური განვითარების ცენტრის თავმჯდომარე რომან გოცირიძე აკეთებს.

 ”ყაზტრანსგაზი”მთავრობას აშანტაჟებს, თუ არ დამაბრუნებთ მართვაში, გიჩივლებთ და განხორციელებულ ინვესტიციებს უკან წავიღებო. არა და 80 მილიონი დაუგროვდა ვალი. იყიდა ქვეყნის კუთვნილი გაზი. ფული არ გადაიხადა. ამონაგები ინვესტიციებად გამოიყენა( ესეც საკითხავია, თუ რამდენი) და ახლა ამბობს, ჩემს ინვესტიციებს წავიღებო.
ჯერ ვალი დააბრუნოს და მერე იქონიოს პრეტენზიები. შეიძლება ეს მთავრობაში ვიღაცებთან შეთანხმებითაც კეთდება. ვითომ სასამართლოს შიშით მთავრობა კომპრომისზე წავა. მერე კი ყაზახები ადგებიან და გაყიდიან რუსებსა და მათ აქაურ მეგობრებზე, რა თქმა უნდა. ამის შესახებ ჯერ კიდევ შარშან დაიწერა ყაზახურ პრესაში, ჩვენი ქვეყნის ენერგეტიკის მინისტრის ვიზიტის დროს. ოკლედ, ყაზახები ვალების სარფიანად რესტრუქტურიზაციას ითხოვენ და ემზადებიან გასასვლელად აქაურების ფარული მხარდაჭერით. ასეთი ვითარებაა ”ენერგო პრო ჯორჯიას” შემთხვევაში, რომელიც კახეთისა და თბილისის ელექტროგამანაწილებელი ქსელის გარდა ყველაფერს ფლობს და ათამდე ელექტროსადგურის მესაკუთრეცაა”, - ამბობს გოცირიძე.