“საქართველო და უკრაინა ვარშავის სამიტზე MAP-ის მინიჭებას არ უნდა ელოდონ”, - ამის შესახებ ნატოში შეერთებული შტატების ყოფილმა ელჩმა, კურტ უოლკერმა  ”ამერიკის ხმისთვის” მიცემულ ინტერვიუში განაცხადა.

კურტ უოლკერის თქმით, საქართველო ამისთვის ჯერ უნდა მოემზადოს. ყოფილი ელჩი გიგი უგულავას საქმესაც გამოემხაურა. მისი თქმით, მისი თქმით, გიგი უგულავასთან დაკავშირებული მოვლენები საქართველოს მეგობრებს ვერ არწმუნებს, რომ საქმე კანონის უზენაესობასთან არის.

“თბილისის ყოფილი მერის გიგი უგულავას სასამართლო საქმე, როდესაც მან წინასწარ პატიმრობაში 14 თვეზე მეტი გაატარა, შემდეგ საკონსტიტუციო სასამართლოს გადაწყვეტილებით გაათავისუფლეს და 24 საათში დამნაშავედ ცნეს და ისევ ციხეში შეაბრუნეს, საქართველოს მეგობრებს ვერ არწმუნებს, რომ საქმე კანონის უზენაესობასთან გვაქვს. ამ მოვლენების თანხვედრა პოლიტიკურ მოტივაციაზე მიუთითებს. რაც შეეხება MAP-ის მინიჭებას საქართველოსთვის, არ ვფიქრობ, რომ ამ სამიტზე ამას ვინმე შეიძლება ელოდოს. რაც უნდა ვნახოთ ნატო-საქართველოს კომისიის საშუალებით, პარტნიორობის გაგრძელებაა. საქართველოს ადგილას ვეცდებოდი ნატოსთვის მაქსიმალურად მოვმზადებულიყავი”, - განაცხადა კურტ უოლკერმა.