მმართველ გუნდში არ გამორიცხავენ რომ "ქართული ოცნების" სიაში ირაკლი ღარიბაშვილი მოხვდეს. პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, "ქართული ოცნების" სიის ფორმირებაში მონაწილეობას სავარაუდოდ, ირაკლი ღარიბაშვილიც მიიღებს.

მისი თქმით, გაიმართება კონსულტაციები.

"ირაკლი ღარიბაშვილი იყო ამ ქვეყნის პრემიერ-მინისტრი, ძალიან ღირსეული ადამიანი, ძალიან კარგი პოლიტიკოსი, თავიდანვე ქართულ ოცნებაში ჩართული და რა თქმა უნდა თითოეული ჩვენთაგანი, მე პირადად ვისურვებ რომ ირაკლი ღარიბაშვილი იყოს ჩვენ პარტიასთან ერთად ამ ქვეყნის მშენებლობის გზაზე. რა როგორ და რანაირად ეს პოლიტიკური საკითხია, რომელსაც ყველა ერთად დავსხდებით გადავწყვიტავთ, თავად ირაკლიც იქნება დარწმუნებული ვარ ჩართული. ეს არ არის ის თემა, რომლითაც შეიძლება ვისპეკულიროთ პოლიტიკურად, ეს არის თემა ქვეყანას როგორ სჭირდება",-განაცხადა დეპუტატმა.