გიორგი ვაშაძის განცხადებით, იგი მიდის რისკზე, რადგან ქართულ პოლიტიკაში სრულიად ახალი პოლიტიკური კლასია საჭირო. მომავალ გეგმებზე ენმ-დან წასულმა გიორგი ვაშაძემ გადაცემა "პრიორიტეტში" ისაუბრა.

"სრულიად ახალი თაობა, ახალი პოლიტიკური კლასი, დაიღალა ხალხი ერთი და იგივეთი და სწორედ ამიტომ მივდივარ მე ამ რისკზე. აღარ უნდათ აღარც მაჭავარიანი აღარც ვოლსკი, აღარ უნდათ ეს ყველაფერი, ძალიან ბევრი ადამიანი უნდა დაემშვიდობოს პოლიტიკას ამ არჩევნებზე და ეს იქნება გამოსავალი ამ ქვეყნის. ფანტასტიკური თაობა მოდის, განათლებული, საზღვარგარეთ გადის და იწვევენ, ამ ხალხმა უნდა დაიწყოს მუშაობა ქვეყნის განვითარებისთვის. ნიჭიერი და განათებული ადამიანები არიან დღე და ღამე მუშაობენ იმისთვის რომ მეტი წვლილიო შეიტანონ ქვეყნის განვითარებისთვის.ყველა გავერთიანდებით იმისთვის, რომ საქართველო განვითარდეს და არ ვიყოთ ჩამოკიდებული ვიღაცის ჯიბეზე",- აღნიშნა ვაშაძემ.

რაც შეეხება მიხეილ სააკაშვილის მიერ გაკეთებულ განცხადებას, მისი შეფასებისგან გიორგი ვაშაკიძემ თავი შეიკავა და აღნიშნა, რომ ,,სააკაშვილმა საქართველოს შემობრუნებაში გადამწყვეტი და მნიშვნელოვანი როლი ითამაშა“.